رائے پور، 8 دسمبر (آئی این ایس انڈیا) چھتیس گڑھ کے وزیر اعلی بھوپیش بگھیل نے زرعی قوانین کے حوالے سے ایک بار پھر مرکزی حکومت پر حملہ کیا ہے۔

انہوں نے کہا کہ بی جے پی تینوں کالے قوانین کو کسانوں کے لئے فائدہ مند سمجھتی ہے، وہ سرمایہ داروں کے مفاد کے لئے بنائے گئے ہیں۔ بتادیں کہ آج کسان بندھ کے ذریعہ بھارت بند کا مطالبہ کیا گیا تھا، جس کی کانگریس نے بھی حمایت کی تھی اور ملک بھر میں مظاہرہ کیا تھا۔

وزیراعلی بگھیل نے زراعت سے متعلق تینوں قوانین پر مرکزی حکومت پر حملہ کرتے ہوئے کہاکہ بی جے پی کسان دوست قوانین کہنے والے تین کالے قانون سرمایہ داروں کے مفاد کے لئے بنائے گئے ہیں۔ منڈی ایکٹ، کانٹریکٹ کاشتکاری اور ضروری اجناس ایکٹ یہ تین قانون ہیں جن کو ختم کرنا ہے، یہ 62 کروڑ سے زیادہ کسانوں کے خلاف ہے۔

بھگیل نے کہاکہ اگر آپ نجی سیکٹر کو منڈی دینا چاہتے ہیں تو ہم احتجاج نہیں کریں گے لیکن ایسا قانون بنائیں گے کہ کوئی بھی منڈی یا منڈی سے باہر سپورٹ پرائس سے نیچے نہیں خریدے گا۔ حکومت پورے ملک میں قیمت کی حمایت کرے گی۔